EFE. Amigos e coñecidos de Minaene Franco, a muller de orixe brasileira asasinada en Foz, están tentando recadar fondos para axudar á repatriación do cadáver ao Brasil, cando sexa posible legalmente.
En declaracións a EFE, unha amiga e veciña de Franco no inmoble número 3 de rúa Costa do Castro, onde a muller residía co seu fillo de 17 anos, agora investigado polo seu asasinato, confirmou que este xoves teñen prevista a apertura dunha conta bancaria solidaria para recoller fondos nunha entidade bancaria de Foz.
Tamén confirmou que está previsto que nos próximos días chegue a Foz unha irmá da falecida, para facerse cargo do cadáver, aínda que de momento non está confirmada a data da súa chegada.
